MSh apelon tek qytetarët që të vaksinohen për parandalimin e përhapjes së infeksionit

15:52 | 5 Korrik 2022
A. B.

Pas rritjes së rasteve pozitive në ditët e fundit, Ministria e Shëndetësisë u ka bërë thirrje qytetarëve që të vaksinohen.

MSH thotë se rritja e numrit të të infektuarve ka rritur edhe shtrimet në spital ku numri i tyre ka arritur në 25 pacientë.

“Ministria e Shëndetësisë u bën thirrje qytetarëve që të vaksinohen me dozën e radhës të vaksinës kundër COVID-19, për të parandaluar infeksione të reja, forma të rënda të sëmundjes nga COVID-19 dhe vdekjet”.

Në dy javët e fundit (20 qershor-5 korrik 2022), si pasojë e regjistrimit të një numri më të lartë të rasteve të reja të COVID-19, janë rritur edhe rastet aktive nga 110 sa ishin më 20 qershor në 1244 më 5 korrik.

Në 24 orët e fundit janë konfirmuar 213 raste pozitive me COVID-19 në Kosovë.

Sipas raportit 24 orësh të Ministrisë së Shëndetësisë, janë kryer 609 teste ku shkalla e pozitivitetit të rasteve është rreth 35%./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm